Құрметті  профессорлық-оқытушылар құрамы,
жас ғалымдар мен студенттер!

  Сіздерді, Кітапханалық-ақпараттық орталықтың №5 оқу залының қызметкерлері ұйымдастырып отырған «Ақпарат күндеріне» шақырамыз!
    - 2026 жылдың 02-06 ақпан аралығында, сағат 10.00-17.00 «Филология және гуманитарлық ғылымдар» факультеті, «Қазақ тілі мен әдебиеті», «Орыс тілі мен әдебиеті»  және  «Әлем тілдері» кафедраларына.
   Мұнда сіздер білім бағдарламалары бойынша жаңа келіп түскен дәстүрлі және электронды әдебиеттермен, мерзімді басылымдармен, ИРБИС64+ электронды каталогтан мәлімет алу жолдарымен таныса отырып, кітапхана сайтының https://lib.dulaty.kz құрылымы туралы мағлұмат аласыздар.
   Сонымен қатар, Сіздер: РЖООАЭК (РМЭБ), Параграф, IPR SMART, Университетская библиотека ONLINЕ, Web of Science, Wiley Online Library, CAB Abstracts-отандық және шетелдік толықмәтінді дерекқорларымен танысасыздар.
                                                           БІЗ СІЗДЕРДІ КҮТЕМІЗ!
                                         Өтетін орны: Кітапханалық-ақпараттық орталық,
                                                             №5 оқу залы (4.1 педагогикалық кешен)

Құрметті университеттің профессор-оқытушылар құрамы,
жас ғалымдар және студенттер!

   2026 жылдың 1 ақпанынан бастап  30 сәуірге дейін  (2 ай) Сіздердің назарларыңызға  CNKI  (China National Knowledge Infrastructure) - Қытайдың  ұлттық білім инфрақұрылымы  атты 1996 жылы Циньхуа университетінде негізі қаланған, Қытайдағы ең ірі академиялық ақпараттық ресурсы ұсынылады.
   Академиялық журналдар дерекқоры
China Academic Journals Full-text Database (CAJ)
   Қытай және шетелдік мерзімді басылымдар бойынша интеграцияланған іздеуді жүзеге асырады.  Дерекқорда 1915 жылдан бастап 8670-тан астам қытай академиялық журналы бар, оның ішінде Пекин университетінің 1970-тен астам негізгі журналдары және онлайн режимде алғаш жарияланған 4510-нан астам журнал қамтылған. Жалпы көлемі 65 миллионнан астам толықмәтінді мақаланы құрайды.
  Шетел тілдеріндегі академиялық журналдар 80-ге жуық ел мен аймақтағы 900-ден астам баспадан шыққан 75000-нан астам журналды қамтиды. Олар JCR журналдарының 96%-ын және Scopus журналдарының 90%-ын қамтып, XIX ғасырдан бастап жарияланған 94 миллионнан астам шетел тіліндегі атауларды толық мәтіндермен байланыстыру мүмкіндігін ұсынады.
   Диссертациялар мен дипломдық жұмыстар дерекқоры
China Doctoral/Masters' Thesis Full-text Database (CDMD)
  Қытайдағы базалық білім беру саласы бойынша докторлық және магистрлік диссертациялардың толық мәтіндерін қамтитын дерекқор. Ол дереккөздердің толықтығымен, әдебиеттердің жоғары сапасымен және үздіксіз жаңартылуымен ерекшеленеді.
   Дерекқорда 1984 жылдан бастап 377 мекемеде қорғалған 668000-нан астам докторлық диссертация және 521 мекемеде қорғалған 6 миллион магистрлік диссертация жарияланған. Олар жаратылыстану ғылымдарын, инженерлік технологияларды, ауыл шаруашылығын, медицинаны, философияны, гуманитарлық және әлеуметтік ғылымдарды және басқа да салаларды қамтиды.
    Қытай материгінің жетекші газеттері дерекқоры
    China Core Newspapers Full-text Database (CCND)
   China Core Newspapers (CCND, 中国重要报纸全文数据库) дерекқоры Қытай материгіндегі жетекші газеттердің мақалаларының толық мәтіндерін қамтиды және      2000 жылдан бері 7миллионнан астам мақаланы біріктіреді.    CCND ықпалы жоғары, репортаждары сапалы және кең аудиторияға арналған газеттерді іріктейді.
    Олардың қатарына орталық газеттер, салалық және кәсіби басылымдар, сондай-ақ негізгі үкіметтік газеттер кіреді - барлығы 650-ден астам атау.
    Конференция материалдарына арналған үздік дерекқорлар
    Conference Proceedings Full-text Database (CPCD)
    Қытай конференция материалдарының дерекқоры (CPCD-CPFD, 中国重要会议论文全文数据库) - Қытайдағы ұлттық конференциялар материалдарының ең толық толықмәтінді дерекқоры. 10500-ден астам академиялық қоғамдармен және қауымдастықтармен серіктестік арқылы CPCD-CPFD 20000-нан астам конференция жинақтарынан (кейбірі 1953 жылдан басталады) 2,8 миллионнан астам мақаланы қамтиды, бұл ұлттық конференция материалдарының 90%-дан астамын құрайды.

Қытай жылнамаларының толықмәтінді дерекқоры
   China Yearbooks Full-text Database (CYFD)
   1949 жылдан бастап бүгінгі күнге дейін Қытай материгіндегі ұлттық және аймақтық маңызы бар деректер мен статистикалық мәліметтерге қол жеткізуді қамтамасыз етеді.
   Жылнамалар арқылы ел, белгілі бір сала немесе аймақ туралы саясат, экономика, ғылым мен техника, мәдениет және білім беру тұрғысынан жан-жақты ақпарат алуға болады. Бұл - зерттеулер үшін қажетті беделді деректерді, әдебиеттерді және пайдалы ресурстарды қамтитын таптырмас анықтамалық.
    Қытайдың экономикалық және әлеуметтік статистика дерекқоры
   China Economic and Social Statistics Database (CSYD)
   CNKI құрамына кіретін Қытайдың экономикалық және әлеуметтік статистика дерекқоры (CSYD) - Қытай үкіметінің ресми статистикалық деректерін қамтитын кешенді цифрлық қойма. Ол ұлттық, провинциялық және муниципалдық деңгейлерді қамтиды.
Дерекқорда 1949 жылдан бастап 18-ден астам сала бойынша халық санағы мен зерттеу деректерін қоса алғанда, 30000-нан астам деректер томы бар. Терең экономикалық зерттеулер үшін қытай және ағылшын тілдерінде іздеу мүмкіндігін ұсынады.
    CNKI академиялық электрондық кітаптары
    CNKI eBooks (CCGB)
   Қытайдың ұлттық білім инфрақұрылымы (CNKI, 中国知网) зерттеушілерге Қытайдың ең беделді ғылыми баспаларынан шыққан 14000-нан астам академиялық және тарихи электрондық кітапқа қол жеткізуді ұсынады.
    CNKI AI жасанды интеллектке негізделген академиялық зерттеу құралы  
    CNKI AI - генеративті жасанды интеллектті (Huazhi LM моделі) және CNKI деректер қорын пайдалана отырып, қытай ғылыми жарияланымдарын талдауға арналған заманауи зерттеу платформасы.
CNKI AI негізгі мүмкіндіктеріне сұрақ қою, мақалаларды іздеу, коллекциялар бойынша іздеу, интеллектуалды мәтін жазу және түпнұсқалықты анықтау кіреді.
   Қолжетімділік кітапхананың барлық компьютерлерінен және
            университеттің ішкі желісі арқылы жүзеге асырылады.

Құрметті «Тарих»  кафедрасының профессор-оқытушылар құрамы,
  жас ғалымдар мен студенттері!

    Сіздерді, Кітапханалық-ақпараттық орталықтың №1 (2.6) оқу залы, «Филология және гуманитарлық ғылымдар» факультеті кампусында 2026 жылдың 26-30 қаңтар аралығында, сағат 10.00-17.00 ұйымдастырып отырған «Ақпарат күніне» және «Кафедралар күндеріне» шақырамыз. Мұнда сіздер білім бағдарламалары бойынша жаңа келіп түскен дәстүрлі және электронды әдебиеттермен, мерзімді басылымдармен, ИРБИС64+ электронды каталогтан мәлімет алу жолдарымен таныса отырып, кітапхана сайтының https://lib.dulaty.edu.kz құрылымы туралы мағлұмат аласыздар.
   Сонымен қатар, Сіздер: РЖООАЭК (РМЭБ), Параграф, IPR SMART, Университетская библиотека ONLINЕ, Web of Science, Wiley Online Library, CAB Abstracts-отандық және шетелдік толықмәтінді дерекқорларымен танысасыздар.
                         КЕЛІҢІЗДЕР!  КӨРІҢІЗДЕР!  КҮТЕМІЗ!

Құрметті оқырмандар!

  «Бір ел – бір кітап» республикалық акциясы – еліміздің рухани мұрасын насихаттауға, кітап оқу мәдениетін қалыптастыруға бағытталған маңызды мәдени жоба. Акция аясында жыл сайын қазақ әдебиетінің көрнекті өкілдерінің шығармалары таңдалып, көпшілікке кеңінен ұсынылады.
   Осы акция аясында халық жазушысы Қабдеш Жұмаділовтың «Тағдыр» романы жыл кітабы болып таңдалды. Шығармада қазақ халқының тарихи тағдыры, ел басынан өткен күрделі кезеңдер, ұлт болмысы мен рухани құндылықтары терең көркемдікпен суреттеледі. «Тағдыр» романы – тарихи сананы қалыптастырып, отансүйгіштік пен ұлттық рухты нығайтатын маңызды әдеби туынды. 1990 жылы осы шығарма үшін Қабдеш Жұмаділовқа Абай атындағы Қазақ КСР Мемлекеттік сыйлығы берілді.
   Акцияның негізгі мақсаты –  Қабдеш Жұмаділовтың  бай әдеби мұрасын кеңінен насихаттау, жас ұрпақты көркем әдебиетті оқуға баулу, ұлттық құндылықтарды дәріптеу. Осы орайда кітапханаларда, білім беру мекемелерінде және мәдени ұйымдарда түрлі әдеби кештер, оқырман конференциялары, көрмелер мен шығармашылық кездесулер ұйымдастырылады.
  Барша оқырмандарды «Бір ел – бір кітап» акциясына белсене қатысып, Қабдеш Жұмаділовтың тағылымы мол шығармаларымен танысуға шақырамыз!

Құрметті әріптестер!

 Сіздерді келе жатқан Жаңа жыл мерекесімен шын жүректен құттықтаймыз! Жаңа жыл баршаңызға бақытты болашаққа үміт, жаңа мүмкіндіктерге сенім ұялатып, жемісті бастамаларыңызға жарқын келешек сыйласын! Сіздерге мықты денсаулық, таусылмас қуат, шығармашылық табыстар мен сәттіліктер тілейміз!

Ізгі ниетпен,Кітапханалық-ақпараттық орталық ұжымы

Құрметті университеттің профессор-оқытушылар құрамы,
жас ғалымдар және студенттер!

  EBSCO компаниясы сіздерді 2025 жылдың желтоқсан айында өтетін вебинарлар сериясына шақырады. Барлық вебинарлар тегін және орыс тілінде өткізіледі. Әр   вебинардың ұзақтығы шамамен 1 сағатты құрайды.
 Сізді қызықтыратын вебинарды таңдап, тіркелуіңізді сұраймыз. Вебинарлардың кестесін хаттың төменгі бөлігіндегі тіркемеден және осы сілтеме арқылы таба аласыз:         https://ebsco-russian.zoom.us/calendar/search  
        Вебинар қатысушыларға  сетификаттар беріледі.
19 желтоқсан, сағат 10.00 (Москва уақыты) – Ұйымыңызда электрондық ресурстарды қалай ілгерілетуге болады (тек кітапханашыларға арналған).
Тіркелу сілтемесі: https://ebsco-russian.zoom.us/webinar/register/WN_pqsK_G9ETDu34Vt_0DPyGQ#/registration 
22 желтоқсан, сағат 10.00 (Москва уақыты) – EBSCO Connect – EBSCO электрондық ресурстарын көрнекі әрі кеңінен қолдануға мүмкіндік беретін құралдар алаңы (тек кітапханашыларға арналған).
Тіркелу сілтемесі: https://ebsco-russian.zoom.us/webinar/register/WN_o5_RPdBVQ8WIJ1K33dRbcw#/registration 
23 желтоқсан, сағат 10.00 (Москва  уақыты) – ECM платформасы (EBSCOhost Collection Manager) – EBSCO электрондық кітаптарының каталогы. Кітап коллекцияларын сатып алу және басқару (тек кітапханашыларға арналған).
Тіркелу сілтемесі: https://ebsco-russian.zoom.us/webinar/register/WN_tyFsc7NFSiC0LioW3AG9Ow#/registration 
23 желтоқсан, сағат 13.00 (Москва уақыты) – Бизнес және экономика ресурстарына арналған жаңа бизнес интерфейсі.
Тіркелу сілтемесі: https://ebsco-russian.zoom.us/webinar/register/WN_YZsZSJgpS-y_JUdC-gIkcQ#/registration 
24 желтоқсан, сағат 10.00 (Москва уақыты) – Цифрлық дәуірдегі кітапханашылардың кәсіби құзыреттері.
Тіркелу сілтемесі: https://ebsco-russian.zoom.us/webinar/register/WN_9Sn_ZXFSSg28P5LnjotSpQ#/registration 
24 желтоқсан, сағат 13.00 (Москва уақыты) – Medline және CINAHL ғылыми медициналық журналдар топтамалары – оқытушыларға, студенттерге, ғалымдарға және практик дәрігерлерге көмек.
Тіркелу сілтемесі: https://ebsco-russian.zoom.us/webinar/register/WN_rJruygzPQn2eHIyQ7EyL3A#/registration 
26 желтоқсан, сағат 10.00 (Москва уақыты) – EBSCO Experience Manager және EBSCOadmin – EBSCO ресурстарын басқаруға арналған платформаларға шолу (электрондық ресурстармен жұмысқа жауапты кітапханашылар үшін).
Тіркелу сілтемесі: https://ebsco-russian.zoom.us/webinar/register/WN_E8a8b3MRRZeXBVhaYYse-g#/registration 
29 желтоқсан, сағат 13.00 (Москва уақыты) – Әлемдік деңгейдегі мақалаларды дайындауға арналған құрал ретінде EBSCO электрондық ресурстары.
Тіркелу сілтемесі: https://ebsco-russian.zoom.us/webinar/register/WN_TVbHicHlRBGweeRUXTgMQg#/registration 
    Вебинар жүргізушісі:   Сержан Ирина, клиенттерді оқыту жөніндегі маман (Молдова, Орталық Азия, Кавказ өңірі) Бұл электронды пошта мекен-жайы спам-боттардан қорғалған, оны қарау үшін Сізде Javascript қосылған.