2019 жылдың қараша айының 7 жұлдызында, Кітапханалық – ақпараттық орталық оқу залында ғылыми бағытты дамыту мақсатында, ҚР ҒжБМ қолдауыменен Elsevier компаниясының өнімдерін «Scopus & ScienceDirect көмегімен зерттеулердің тиімділігін арттыру» атты семинар өтті. Семинарды Elsevier компаниясының фрилансері Керімбек Тоқтар Сенбекұлы өткізді. Семинарға докторанттар, университет оқытушылары, құрылымдық бөлімшелердің қызметкерлері қатысты. Семинар қатысушыларына сертификаттар берілді.
2020 жылы Абай Құнанбаевтың туғанына 175 жыл толады. Осы айтулы датаны, Қазақстан президенті Қасым-Жомарт Тоқаев, тұтас ел болып, мемлекеттік деңгейде атап өтуге шақырды. Дана Абайдың тағылымын жастардың санасына сіңіру, ұлы тұлғаның ой-толғамдарын кеңінен дәріптеу дей келе, мемлекет басшысы үкіметке Абайдың мерейтойына қажетті шаралар әзірлеуді тапсырды. "Ұлы Абайдың мұрасы "Рухани жаңғырудың" маңызды бағдарына айналуы қажет. Біз үшін бұл мерейтойдың маңызы ерекше. Тарихи датаны ақыл-парасатпен, салиқалы деңгейде өткізуге баса мән беру керек", - деді президент.
Құрметті оқырман қауым!
Сіздерді 2019 жылдың қараша айының 6 жұлдызында, сағ.13.00-де, «Ұлы ғұламадан ұлағат» атты әйгілі тарихшы, әдебиетші, Моғолстан мен оған іргелес елдердің тарихы жөнінде аса құнды деректер беретін «Тарихи Рашиди» кітабы мен «Жаһаннама» дастанының авторы, Мұхаммед Хайдар Дулатидың өмірі мен шығармашылығына арналған оқырман конференциясына қатысуға шақырамыз!
Өтетін орны: ГӘҒФ КЕШЕНІ, 1.3.-107 аудиториясы (№1 оқу залы).
Ұйымдастырушы: М.Х.Дулати атындағы ТарМУ-нің Кітапханалық-ақпараттық орталық №1 оқу залы, В18ФилК-1,3 тобы және «Дулатитану» ғылыми-зерттеу орталығы.
Қазақша 
Русский 
English