Қазақша 
Русский 
English 
Сіздерді Республикамыздың әр азаматы үшін айтулы – Тәуелсіздік күнімен құттықтаймыз!
Еліміздің жалынды жастары бастарын бәйгеге тігіп, бодандық құрсауынан шығуға ұмтылған қыршын ерліктері бүгінгі Тәуелсіз Еліміздің жарқын істерімен жалғасын табуда. Бостандық пен еркіндіктің бастауы болып табылатын осы салтанатты күні Сіздерге игілік пен бақыт, бақ-дәулет, ырыс тілейміз. Қазақстанның тұрақты дамуы мен кемелденуі жолындағы еңбектеріңіз табысты, барлық бастамаларыңыз сәтті болсын!
Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің тәуелсіздігі баянды болғай!
Тірегі сен төрімнің, Тәуелсіздік!
16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні. Тәуелсіздік - таңбасы таста, қаны қара жердің тамырында жатқан құдіретті сөз.
2024 жылы 9 желтоқсанда Кітапханалық-ақпараттық орталық пен «Журналистика және филология» кафедрасының ұйымдастыруымен түнгі оқу залында «Тірегі сен төрімнің, Тәуелсіздік!» атты кездесу кеш өтті.
Кездесудің мақсаты – жастардың бойында ұлттық сана сезімін, саяси сауаттылығын өрбіту, тәуелсіздік құндылығын бағалап, ол туралы терең мағлұмат беру, желтоқсан оқиғасына қатысты деректермен таныстыру. Кездесуге білім бағдарламасының белсенді студенттері, оқытушылар қатысты. Кеш қонағы – ҚР Журналистер одағының мүшесі, ҚР Білім беру ісінің үздігі, «Журналистика және филология» кафедрасының аға оқытушысы Бақытжан Маханұлы Мақашов студенттерге өз көзімен көріп, куә болған желтоқсан оқиғасы туралы баяндап берді. 1986 жылы желтоқсанда жастардың алаңға шығуы, олардың наразылығы, сол кездегі басшылардың оларды тарқату үшін түрлі амал-тәсілдерді қолданғаны, студенттердің батыл әрекеттері туралы қайғылы да тәрбиелік мәнді әңгімелерін өрбітті. Жастарға тәуелсіздіктің оңай келмегендігін, ол Қайрат, Сәбира, Ләззат секілді аға-әпкелерінің батылдығы, қаны арқылы жеткендігін тебірене баяндады. Сол үшін қазіргі жастарды тәуелсіздікті бағалауға, ел мен жерді көзінің қарашығындай сақтауға шақырды. Жастарымыз білімді, білікті, намысшыл, отаншыл болсын деген тілегін айтты. Студенттер өз кезегінде көкейлерінде жүрген сұрақтарын қойып, оған жауаптарын алды. Кеш барысында Студенттер тәуелсіздік туралы жүректен шыққан өлеңдерін оқып, арнау арнап, ән әуелетіп, керемет күй қалықтатып кешті бір ерекше әсерге бөледі. Кеш соңында Кітапханалық-ақпараттық орталықтың бөлім басшысы Балхия Маткулова «Тірегіміз – Тәуелсіздік, тілегіміз тұрақтылық» атты кітап көрмесімен таныстырып, желтоқсан оқиғасының куәгері, кеш қонағы Бахытжан Маханұлына кітап сыйға тартты. Іс-шараның тәрбиелік мәні зор болып, өте әсерлі де мазмұнды өтті.
ВЕБИНАР
IPR media оқу орталығы: құзыреттілікті дамытуға жаңа көзқарас
Күні: 12.12.2024
Уақыты: 10.00 МСК
Спикер: Кошелев Александр Анатольевич, IPR MEDIA компаниясының білім беру бағдарламалары бөлімінің басшысы, канд. әлеуметтік. ғылым, доцент
Тіркелу: https://zoom.us/meeting/register/tJAtdeusrDkvE9FVmSHSlDVXkcJjCot4c
QqP#/registration
Қол жетімді білім: инклюзивті білім беру үшін IPR SMART ЭКЖ пайдалану
Күні: 18.12.2024
Уақыты: 11.00 МСК
Спикер: Кошелев Александр Анатольевич, IPR MEDIA компаниясының білім беру бағдарламалары бөлімінің басшысы, канд. әлеуметтік. ғылым, доцент
Тіркелу: https://us06web.zoom.us/meeting/register/tZUlcOCoqTMuHdSSBYkq7PgOzc_
T4qBJDEew
ЭКЖ IPR SMART. 2024 жылдың қорытындысы және болашақ жоспарлары
Күні: 25.12.2024
Уақыты: 10.00 МСК
Спикер: Кошелев Александр Анатольевич, IPR MEDIA компаниясының білім беру бағдарламалары бөлімінің басшысы, канд. әлеуметтік. ғылым, доцент
Тіркелу: https://zoom.us/meeting/register/tJUrdO-oqT0uHNwCnKXE5acZwRGYH01DJudn#/registration