Құрметті оқырман қауым!
Баршаңызды Ұлыстың Ұлы күні – Наурыз мерекесімен шын жүректен құттықтаймыз! Наурыз – іргесі сөгілмес бірліктің берекесі, ырысы төгілмес тірліктің мерекесі.
Жақсылықтың жаршысы, жаңа жылдың бастауы – Наурыз мейрамы елімізге, әрбір отбасына бірлік пен қуаныш, құт - береке, бақыт пен молшылық әкелсін!
Кең болсын қазағымның керегесі, кетпесін Алла берген берекесі, Алаштың баласына нәсіп болған, Құтты болсын НАУРЫЗ мерекесі!
Қазақ халық поэзиясының әйгілі тұлғасы, өлең сөздің дүлдүлі, жырау, жыршы Жамбыл Жабаевтың туғанына биыл - 175 жыл.
Осы орайда Кітапханалық ақпарттық орталығының Көркем әдебиет секторы мен «Филология және журналистика» кафедрасы бірлесіп ұйымдастыруымен өткен «Жамбылды жырлаймыз» атты студенттер арасындағы онлайн айтыста топ жарып шыққан студенттеріміз бақ сынады. «Менің пірім Сүйінбай» деп жырлаған Жамбыл ақынды пір тұтқан Шапағат Әбдірұлы мен Саламат Осалыұлы сөз маржанын тізбектеп аламан айтыс көрсетті.
Құрметті оқырман қауым!
"Жаңа гуманитарлық білім. Қазақ тіліндегі 100 жаңа оқулық" жобасының төртінші кезеңінде қазақ тіліне аударылған, жақында баспадан шыққан 23 аталым кітаппен таныс болыңыздар.Бұл лекте философия, экономика, педагогика, тарих, саясаттану, әлеуметтану, дінтану бағытындағы оқулықтар аударылып, біздің кітапханамыздың сөрелерінен орын алды.
Гидро кешен, 6.1-№8 оқу залы
Қазақша 
Русский 
English