Құрметті профессор-оқытушылар құрамы мен оқытушылар!

       Кітапханалық-ақпараттық орталық 2020 жылға жаңа шыққан әдебиеттерге тапсырыстар қабылдайтынын хабарлайды. Тапсырыс беру баспалардың прайс-парақтары арқылы жүргізіледі. Тапсырыстар 2020 жылдың 20 ақпанына дейін қабылданады. Прайс-парақтары кітапхана сайтында http://lib.tarsu.kz/ және public$-тегі кафедралардың папкаларында «Прайстар 2020 жылға» атты құжат орналасқан.

      Қосымша ақпаратты  «Кітап қорын толықтыру және каталогтандыру секторынан» (2.1.211а. ауд.) алуға болады.

Құрметті профессор-оқытушылар құрамы, магистранттары мен студенттер!

      Кітапханалық-ақпараттық орталыққа  белгілі ғалым, қоғам қайраткері, академик, ҚР Мемлекеттік сыйлығының иегері Оразалы Сәбденнің «АБАЙ, ҚАЗАҚСТАННЫҢ БОЛАШАҒЫ ЖӘНЕ ӘЛЕМДІК ЦИВИЛИЗАЦИЯ» атты  қазақ, орыс және ағылшын тілдерінде жарыққа шыққан кітабының келіп түскенін хабарлаймыз!

      Халқымыздың дана да дара кемеңгері, данышпан ақыны әрі ұлы ойшылы – Абай Құнанбайұлының шығармалары мен қара сөздері қазақ халқын, жалпы адамзат баласын екі ғасырдан бері рухани құндылықтарға жетелеуде. Бұл еңбекте Абайдың ой-тұжырымдарын ертеңгі ізгілендіру қоғамын құруға, оның моральдық кодексін жасауға пайдалану әрекеттері көрініс тапқан. Қазақ елін алға жетелейтін құндылықтардың тетіктері мен пікірлер берілген, болашаққа бағыттайтын жол мен жобалар да бар. Сондай-ақ жалпы әлемдік өркениетке, түркі әлемінің дамуына да елеулі үлес қосқан тарихи ұлы тұлғалар туралы қысқаша мәліметтер беріледі.