«Абай - дана, Абай – дара қазақта!» тағылымды кездесу, танымдық бағдарлама

   2020 жылдың  24 ақпанда  «Абай - дана, Абай – дара қазақта!» орталықтың ұйымдастыруымен өткен әдеби-танымдық бағдарлама Абай Құнанбайұлының туғанына 175 жыл толуына арналды. Әдеби-танымдық шара әдеттегі жиындардан ерекшеленіп тұрды. Университетіміздің «Тұмар» ұлттық аспаптар оркестрінің сүйемелдеуімен «Көзімнің қарасы» әні, «Балбырауын» күйі орындалды. Алғы сөзбен іс-шараны ашқан университет ректоры Махметғали Нұрғалиұлы әдеби-танымдық бағдарлама Абай атын танытып, насихаттауда өтіп жатқан айтулы шаралардың жалғасы екенін жеткізді.

   Абайды көпшілігіміз ақындық қырынан танимыз. Ал оның философ, ойшыл, сазгерлік, қайраткерлік қырларын әлі де зерделей түсуіміз керек. Жуырда Н.Л.Гумелев атындағы Еуразия ұлттық университетінің ректоры, тарих ғылымдарының докторы, профессор Ерлан Сыдықовтың «Құнанбай» кітабы жарыққа шықты. Кітап Мәскеу қаласында орыс тілінде үш мың данамен жарық көрген. Тарихи шығармада Абайдың әкесі Құнанбайдың өмірі мен елге сіңірген еңбегі қозғалады,- деп М. Сарыбеков туындымен таныстырып, мазмұнына да тоқталды.

Құрметті  «Ақпараттық жүйелер»,  «Қолданбалы информатика және бағдарламалау»,  «Автоматика және телекоммуникация» кафедраларының профессор - оқытушылар құрамы, магистранттары мен студенттері!

      Сіздерді Кітапханалық - ақпараттық орталық (№2-2, оқу залы, 2-қабат, тех.кешені) 27.02.-05.03.2020ж. аралығында ұйымдастырылып отырған «Кафедра апталығына» шақырамыз. Сіздер мұнда білім беру бағдарламалары бойынша кітапхана қорындағы жаңа келіп түскен әдебиеттермен және электронды ресурстармен таныса аласыздар.

КЕЛІҢІЗДЕР!  КӨРІҢІЗДЕР!  КҮТЕМІЗ!