Құрметті оқырман қауым!

   Сіздерді 2025 жылдың 20 ақпанында сағат 15:00-де «Бір ел – бір кітап» акциясы аясында поэзия жанры бойынша мемлекеттік сыйлықтың иегері, көрнекті ақын Жұмекен Нәжімеденовтің 90 жылдық мерейтойына орай ұйымдастырылған «Жыр жұлдызы – Жұмекен» тақырыбындағы дөңгелек үстелге шақырамыз!
   Республикалық акцияның мақсаты – қазақ әдебиетін насихаттау, қоғамның кітап оқуға деген қызығушылығын арттыру, Қазақстанның әдеби мұрасын зерттеуге мүмкіндік туғызу, өскелең ұрпақтың зияткерлік-рухани дамуы мен ана тіліне деген құрметін арттыру.
   Өтетін орны: Кітапханалық-ақпараттық орталық,
                      №5 оқу залы (4.1 кампус, Төле би, 68).

Құрметті  профессорлық-оқытушылар құрамы,
жас ғалымдар мен студенттер!

 Кітапханалық-ақпараттық орталықтың кітап қоры «Алашорда ісі.1920–1940 жж. Құжаттар мен материалдар» атты 12 томнан тұратын тарихи-құжаттық жинақпен толықтырылды.
   Көптомдықта ғасырға жуық мерзім ҚР Ұлттық қауіпсіздік комитетінің, Ішкі Істер министрлігінің, Бас прокуратурасының архив қорларында жабық түрде сақталып келген «Алашорда-Қазақ» мемлекеттігі үшін күрес жолында мерт болған қайраткер тұлғалар мен олардың отбасы мүшелері үстінен жүргізілген тергеу материалдары мүмкін болғанша толық күйде берілген.
   Тарихтан сыр шертетін құнды жәдігер 2 жылға жуық жазылған. Осы уақыт ішінде 35 тарихшы ғалым, археографтар мен архившілер 688 мыңнан астам құжатты жинақтап, жүйеге келтірген. Оның ішінде бұрын жарияланбаған 3000-нан астам құжат және фотосурет бар.
   Жинақ тарихшыларға,ЖОО оқытушыларына, докторанттар, магистранттар мен студенттерге, сондай-ақ XX ғасырдағы Қазақстан тарихына қызығушылық танытушыларға арналған.