Құрметті әріптестер!

            12 сәуір сағат 15:00-де «Web of Science-те журналдарды таңдаудың жаңа интерфейсі және опциялары. Зерттеу тақырыбы бойынша дереккөздер тізімін таңдау» тақырыбында семинар өтеді. Қатысу және тіркелу сілтемесі төмендегідей: https://us02web.zoom.us/meeting/register/tZ0oce6opj0sGdblxmoL2NlGuECo-F3rRiFv 
            Тіркелгеннен кейін сіз конференцияға кіру туралы ақпаратты қамтитын растау хатын электронды поштаңыздан ала аласыз.           
        Дәріс беруші: Инеш Кенжина, Clarivate компаниясының Орталық Азия аймағы елдеріндегі ресми өкілі, сциентометрия маманы, PhD докторы, радиациялық материалтану саласындағы зерттеуші ғалым.

23 сәуір – Дүниежүзілік кітап және авторлық құқықты қорғау күні.

      23 сәуір -Дүниежүзілік кітап және авторлық құқықты қорғау күні - әлем әдебиеті үшін өте маңызды күн. Осы мереке арқылы ЮНЕСКО ұйымы баршаны, әсіресе, жастарды кітап оқудан ләззат алуға, адамзаттың әлеуметтік және мәдени дамуына өлшеусіз үлес қосқан адамдардың еңбегін құрметтеуге, интеллектуалдық еңбек туындыларын қорғауға шақырады.
      Авторлар, баспагерлер, мұғалімдер, кітапханашылар және кітап ісімен айналысатын әрбір адам Кітап күнін өздерінің мерекесі деп санайды. Бұл күні әлемнің көптеген елдерінде кітап жәрмеңкелері мен көрмелер ұйымдастырылады.
     Дулати университетінің кітапханалық-ақпараттық орталығы өз тарапынан осы мерекеге белсене атсалысуда. Жыл сайын Кітап күніне орай университет түрлі мәдени шаралар ұйымдастыруды дәстүрге айналдырған. Соның бірі кітапхана мен оқырман арасындағы байланысты одан әрі нығайтып, оқуға шақырудың жаңа форматында өтетін «#Әлемді өзгерткің келсе, өзіңнен баста!»  «#Хочешь изменить мир- начни с себя!» атты ашық микрофон (Гидро кешені: 6.1, – Сәтпаев көш.,28).
     Іс-шара барысында оқырман белсенділері өздерінің  сүйікті оқыған кітаптарынан алған әсерімен бөлісіп, профессорлық- оқытушы құрамы қатарынан ең үздік ғылыми еңбектердің авторларыменқызықты кездесулер ұйымдастырылып, «Кітапханаға кітап сыйла! Подари библиотеке книгу!» атты қайырымдылық акциясының нәтижесі белгіленеді.  Сонымен қатар, оқырмандар назарына кітапхана қорындағы жаңалықтардан тұратын тартымды,мазмұнды кітап көрмелері ұсынылады. Өткізіліп отырған іс-шаралар жастар арасында кітапқа деген қызығушылықты көтеретініне сенімдіміз.
     Білімнің де, тәжірибенің де, адамдық қасиеттің де бастауы – кітап. Көне қазынамызды зердеге тоқып, қазақ руханиятына үлес қосу, өз міндетіңді, перзенттік борышыңды шама-шарқыңша атқару - баршамыздың ұлт алдындағы міндетіміз. БАҒДАРЛАМА

Сіздерді оқуға деген сүйіспеншілігіңізді білдіруге шақырамыз!
     Қош келіңіздер!