Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді.
Уа, халайық, халайық!
Ақ сандықты ашайық,
Бұл мереке, бұл тойдың
Шашуларын шашайық! - деп кітапхана қызметкерлері №2 Жатақхана - «Білімгерлер үйінде» тұратын университет білімгерлерін №11 түнгі оқу залында 2019 жылдың 13 наурыз күні - Мейрам басы – Көрісу күні қауышып, төс қағысып, жылы лебіздер білдіріп - НАУРЫЗ КӨЖЕДЕН ДӘМ ТАТЫП, «Нұр себеле ұлыстың ұлы күні» атты әдеби кешке қатысуға шақырды. 

Студент қауым - ұлттық тағамдарға толы дастарханнан және жеті түрлі дәмнен тұратын Наурыз көжеден дәм татып, Наурыз мейрамына арналған өлең оқып, ән шырқап, күй тартып - өз өнерімен бөлісті.
Өткізілген іс-шараның мақсаты - жастарды ұлттық салт-дәстүрге баулу, рухани-мәдени құндылықтарға, жауапкершілікке, ұрпақтар сабақтастығына, патриоттық тәрбиенің басымдығына негіздеу болып табылады. АҚ МОЛ, ЖЫЛ  ЫРЫСТЫ  БОЛСЫН!